رسالة بخط الولي الصالح سيدي الحاج محمد مول السخونة إلى شيخه شيخ الطريقة الشيخية سيدي عبد الحاكم إبن الشيخ سيدي الطيب إبن المجاهد الشيخ سيدي بوعمامة رحمهم الله جميعا.*
بسم الله الرحمان الرحيم
يا ربي ترحمنا وترحم جميع المسلمين وأمة سيدنا محمد أجمعين، وصلى الله وسلم على سيدنا النبي وسيد المرسلين محمد شفيع المذنبين.
وبعد إلى حضرة مول الصدر الواسع، والنور الساطع، والسر النافع، والعماد الناجح، سيدنا ومولانا وشيخ زماننا
سيدي عبد الحاكم بن المرحوم سيدي الحاج الطيب وبعد يا سيدي راك قلت لي رسلت لك جواب وما جاوبتنيش ورانا كلنا مراض.. وما ناش عابييين في حق الشيخ لا حنا ولا اخوتنا، وأما المختار جا عندك مضرور وراه تحرر وخف عليه الحال وسكنت احواله،
وراهم مستشفيين فيا بعض الناس في طاعتك كي قلت لي قلع القلمونة، واخبرني على ربيعة وفاطنة أولادك كاملين وأما الصوف راني بعته في العرب خير من البيض وقبضت فيه 76 دورو، وغلمك راها لاباس عليها وخمس نعاج وخمس احوالا الي في ذمتي راهم لاباس عليهم والناقة نتاعت ربيعة راني بعتها ب 106.
وسلم لي على أهل الزاوية كافة، وسلم لي على القارئ والمستمع..(وكذا...)
بخط عبد ربه المذنب محمد بن الحاج بحوص.
عن المشيخة العامة المركزية للطريقة الشيخية الشاذلية.
زاوية المجاهد الشيخ سيدي بوعمامة البوشيخي البكري
